காரைக்குடி - திருவாரூர் வழித்தட பயணிகளுக்கு இரயில்வே இலாகாவின் புதிய அறிவிப்பு.

காரைக்குடியிலிருந்து திருவாரூர் வரை சென்று கொண்டிருந்த ரயில் வண்டி 15-03-2012 முதல் நிறுத்தப்படுகிறது. இனிமேல் பட்டுக்கோட்டையிலிருந்து திருவாரூர் வரை செல்லும் என அறிவிக்கப்பட்டுள்ளது. இந்த அறிவிப்பு பட்டுக்கோட்டை ரயில் நிலையத்தில் நோட்டீஸ்  போர்டில் ஒட்டப்பட்டுள்ளது. இதன் மூலம் காரைக்குடி - பட்டுக்கோட்டை அகல ரயில் பாதை பணி துவங்க இருக்கிறது என்பது தெளிவாக தெரிகிறது. இந்த பணி ஒரு புறம் நடக்க மறுபுறம் பட்டுக்கோட்டையையும் மன்னார்குடியையும் இணைக்கும் புதிய ரயில் பாதை அமைக்கும்  பணி ஒரு முன்னாள் மத்திய அமைச்சரின் தீவிர முயற்சியால் வெகு விரைவில் துவங்க இருப்பதாக சொல்லப்படுகிறது.

இவ்வழித்தடங்கள் முழுமை பெறும் பட்சத்தில் அதிராம்பட்டினம் - முத்துப்பேடை - திருத்துறைப்பூண்டி வழித்தடங்களுக்கு ஆப்பு வைக்கப்படுமா என்ற அச்சம் நிழவுகிறது. 

புதிய வழித்தடத்தையோ, புதிய ரயிலையோ   நாம் கேட்கவில்லை. தற்பொழுது உள்ள குறுகிய ரயில் பாதையை அகல ரயில் பாதையாக மாற்றி இந்த வழித்தடத்தில்  ஏற்கனவே  சென்றுகொண்டிருந்த கம்பன் ரயிலைதான் இயக்க சொல்லுகிறோம்.

இந்த விசயத்தில் அதிரை, முத்துப்பேடை, திருத்துறைப்பூண்டி மற்றும் திருவாரூர் மக்கள் அனைவரும் ஒருங்கிணைந்து ஒரு மாபெரும் போராட்டத்தை நடத்தி நமது நியாமான கோரிக்கையை ரயில்வே இலாகாவின் காதுகளுக்கு விழ செய்ய வேண்டிய கட்டாயத்தில் இருக்கிறோம்.

காதிர் முகைதீன் கல்லூரி திடலில் தீ விபத்து.

கல்லூரியின் விளையாட்டு திடலில் அமைந்திருக்கும் சலாஹிய்யா அரபி கல்லூரியின் அருகே  புல் மிக நீளமாக வளர்ந்து காய்ந்து போய் அடர்ந்த காடு போல் காட்சியளிக்கின்றது. 25 - 03 - 2012 அன்று மாலை சுமார் 4 மணிக்கு  திடீரென அடர்ந்த புல் புதரின் மேல் தீப்பற்றிக் கொண்டது. தீ மள மள வென பரவவே உடனே தீயணைப்பு நிலையத்திற்கு தகவல் கொடுக்கப்பட்டு தீயணைப்பு வண்டி விரைந்து வந்து தீயை அணைத்து, தீ பரவுவது கட்டுக்குள் கொண்டு வரப்பட்டது. இந்த தீ விபத்து நடந்த கல்லூரியின் மைதானத்தின் சுற்று சுவருக்கு பின்புறம் மிக அருகில் பிலால் நகரின் பல குடிசைகள் இருக்கின்றது என்பது குறிப்பிடத்தக்கது. உயிர்சேதமோ, பொருட்சேதமோ ஏற்படாமல் அல்லாஹ்வின் கிருபையால் பெரும் தீ விபத்து தவிர்க்கப்பட்டுள்ளது. தீவிபத்திற்கான காரணம் என்னவென்று தெரியவில்லை.

காதிர் முகைதீன் கல்லூரி பள்ளிவாசல், சலாஹிய்யா அரபிக்கல்லூரி மற்றும் காதிர் முகைதீன் கல்லூரியின் உள் விளையாட்டு அரங்கம் ஆகிய பகுதிகளில் புல்  புதர்கள் வளர்ந்து காடு போல்  காட்சியளிக்கின்றது. விஷ ஜந்துகள் இந்த பகுதியில் இருக்க மிக அதிகமான வாய்ப்புகள் இருக்கின்றன. இரவு நேரங்களில் சலாஹிய்யா அரபிக்கல்லூரி மாணவர்கள் அருகே இருக்கும் கல்லூரி பள்ளிவாசலுக்கு சென்று தொழுவதற்கு ஒரு வித அச்சத்துடன் செல்ல வேண்டிய நிலை இருக்கின்றது.

கல்லூரி நிர்வாகம் இந்த விசயத்தில் கவனம் செலுத்தி காடு மிகுந்து கிடக்கும் இந்த பகுதியை சுத்தம் செய்ய முன் வருவார்களா?


எரிந்து சாம்பலான புல் புதர்களை படத்தில் காணலாம்.

போலியோ - பட்டியலிருந்து இந்தியா நீக்கம்!

போலியோ இல்லாத ஆண்டாக, 2011-ஐ கடந்திருக்கிற இந்தியாவை, போலியோ பாதிப்புள்ள நாடுகள் பட்டியலில் இருந்து உலக சுகாதார நிறுவனம் இன்று நீக்கியது. 

டெல்லியில் இன்று காலை தொடங்கிய 'போலியோ மாநாடு 2012'-ல், பிரதமர் மன்மோகன் சிங் முன்னிலையில், மத்திய சுகாதார அமைச்சர் குலாம் நபி ஆசாத் இந்தத் தகவலை வெளியிட்டார். 

உலக சுகாதார நிறுவனத்திடம் இருந்து இன்று காலை கடிதம் ஒன்று வந்துள்ளதாகக் குறிப்பிட்ட அவர், "கடந்த ஒராண்டாக போலியோ பாதிப்பு இல்லாததால், போலியோ பாதிப்புள்ள நாடுகள் பட்டியலில் இருந்து இந்தியா நீக்கப்பட்டுள்ளது என்று அக்கடிதத்தில் தெரிவிக்கப்பட்டுள்ளது," என்றார். 

முன்னதாக, போலியோ பாதிப்புள்ள 4 நாடுகள் பட்டியலில் பாகிஸ்தான், நைஜீரியா மற்றும் ஆப்கானிஸ்தான் உடன் இந்தியா இணைந்திருந்தது குறிப்பிடத்தக்கது. 

இந்தியாவில் அடுத்த இரண்டு ஆண்டுகளுக்கு போலியோ பாதிப்பு இல்லாத பட்சத்தில், 'இந்தியாவை போலியோ இல்லாத நாடு' என உலக சுகாதார நிறுவனம் அறிவிக்கும். 

இதற்கு உரிய முயற்சிகளை இந்திய அரசு மேற்கொள்ள வேண்டும் என்று உலக சுகாதார நிறுவனத்தின் இந்தியாவுக்கான பிரதிநிதி நடேலா மேனாப்தே தெரிவித்துள்ளார். 

போலியோ ஒழிப்பில் வெற்றி கிட்டியதற்கு கூட்டு முயற்சியே காரணம் என்ற பிரதமர் மன்மோகன் சிங், 23 லட்ச தன்னார்வ தொண்டர்களுக்கே இந்த பெறுமைச் சேரும் என்று புகழாரம் சூட்டினார். 

"இந்தியாவில் மட்டுமின்றி, இந்தப் பூமியில் இருந்தே போலியோவை விரைவில் முற்றிலும் ஒழித்திட முடியும் என்ற நம்பிக்கை பிறந்திருக்கிறது," என்றார் பிரதமர் மன்மோகன் சிங்.

போலியோ இல்லாத இந்தியா!

இந்தியாவில் ஜனவரி 13, 2011-ல் மேற்கு வங்கத்தைச் சேர்ந்த இரண்டு வயது சிறுமி பாதிக்கப்பட்டதுதான் கடைசியாகப் பதிவான போலியோ பாதிப்பு. அதற்குப் பிறகு இந்த வருடம் ஜனவரி 13 வரை, நாட்டில் ஒரு குழந்தைகூட போலியோவால் பாதிக்கப்படவில்லை. உலகச் சுகாதார நிறுவனமும் மத்திய, மாநில அரசுகளும் தன்னார்வ அமைப்புகளும் எடுத்த பெருமுயற்சியால் நிகழ்த்தப்பட்ட சாதனை இது.

அதேநேரம், ''போலியோவை ஒழித்துவிட்டோம் என்று நமது அரசுகள் மெத்தனமாக இருந்துவிடக் கூடாது. போலியோ என்பது சுழற்சி முறையில் தோன்றக் கூடியது. இந்த வருடம் போலியோ ஒழிந்தால், அடுத்த நான்கு வருடங்களுக்கு அந்தப் பாதிப்பு தோன்றாமல் இருக்கலாம். அதற்கு அடுத்த ஆண்டு போலியோ தோன்றுவதற்கான வாய்ப்பு அதிகம். அதனால், போலியோ தடுப்பு மருந்துகளும் அதற்கான பிரசாரமும் தொடர வேண்டும்!" என்கிறார்கள் மருத்துவ ஆர்வலர்கள்.

தலைப்புச் செய்திகள் - 16-டிசம்பர்-2011

ரஷ்ய பயணம் மேற்கொண்டுள்ள பிரதமர் மன்மோகன் சிங் மாஸ்கோவில் ரஷ்ய அதிபர் மெத்வதேவை சந்தித்துப் பேச்சு நடத்தினார்.

பின்னர் நிருபர்களிடம் பேசிய ரஷ்ய அதிபர்,  ஐநா பாதுகாப்பு கவுன்சில் நிரந்தர உறுப்பினராக இந்தியா தகுதியானது என்றும், இந்தியா - ரஷ்யா இடையே ராணுவ தொழில்நுட்ப ஒத்துழைப்பு எதிர்பாராத அளவில் உள்ளது என்றும் தெரிவித்தார்.

அப்போது, பிரதமர் மன்மோகன் சிங், கூடங்குளம் அணு உலையின் முதல் யுனிட், ஓரிரு வாரத்தில் செயல்பட தொடங்கும் என்றும், 2 வது யுனிட் 6 மாத்தில் செயல்படும் என்றும் தெரிவித்தார்.

இதனிடையே, பிரதமர் மன்மோகன் சிங் மூன்று நாள் பயணமாக ரஷ்யா சென்றுள்ளதைக் கண்டித்து, கூடங்குளம் பகுதி மக்கள் துக்கம் அனுசரித்து, தொடர் உண்ணாவிரதப் போராட்டம் மேற்கொண்டுள்ளனர்.

***

2ஜி ஸ்பெக்ட்ரம் வழக்கில் முன்னாள் தொலை தொடர்பு செயலாளர் சித்தார்த் பெகுரா ஜாமீன் மனுவை டெல்லி  உயர் நீதிமன்றம் தள்ளுபடி செய்தது.

***

மத்திய அமைச்சர் பதவியை தவறாக பயன்படுத்திய ப.சிதம்பரம் உடனடியாக ராஜினாமா செய்ய வேண்டும் என்று எதிர்க்கட்சிகளின் வலியுறுத்தலால், நாடாளுமன்றத்தில் இரண்டாவது நாளாக வெள்ளிக்கிழமையும் அமளி ஏற்பட்டது. 

***

மேற்கு வங்கத்தில் கள்ளச்சாராயம் அருந்தியதால் பலியானவர்களின் எண்ணிக்கை 167 ஆக அதிகரித்துள்ளது. இது, மேலும் அதிகரிக்கக் கூடும் என அஞ்சப்படுகிறது.

***

அண்ணா நூற்றாண்டு நூலகத்தை இடம் மாற்றுவதற்கு விதிக்கப்பட இடைக்காலத் தடை நீடிப்பதாக, சென்னை உயர் நீதிமன்றம் தெரிவித்தது.

மேலும், தற்போதை நிலையில், சென்னை - கோட்டூர்புரத்தில் உள்ள அண்ணா நூற்றாண்டு நூலகத்தை சீராகப் பராமரிக்கவும் தமிழக அரசுக்கு உயர் நீதிமன்றம் உத்தரவிட்டுள்ளது.

***

சச்சின் டெண்டுல்கருக்கு 'பாரத ரத்னா' வழங்க வேண்டும் என்ற அவரது ரசிகர்களின் கோரிக்கை விரைவில் நிறைவேறுவதற்கான வாய்ப்பு பிரகாசமாகியுள்ளது.

பாரத ரத்னா விருதுகளுக்குத் தகுதிக்கான விதிமுறைகளை மத்திய அரசு திருத்தி அமைத்துள்ளது. இனி, 'தனிமனித பெருமுயற்சிகள் கொண்ட எந்தத் துறைகளைச் சேர்ந்தவர்களுக்கும்', அவர்களது சேவையைப் பாராட்டும் வகையில் வழங்கப்படும் என விதிமுறைகள் திருத்தப்பட்டுள்ளது. இதில், விளையாட்டுத் துறையும் அடங்கும்.

கலை, இலக்கியம், அறிவியல், மக்கள் சேவை ஆகியவை தொடர்புடைய சாதனையாளர்களுக்கே இதுவரை பாரத ரத்னா வழங்கப்பட்டு வந்தது குறிப்பிடத்தக்கது.

***

திருப்பூரில் சாய மற்றும் சலவைத் தொழிற்சாலைகளிலிருந்து வெளியேறும் கழிவுநீர் முழுவதுமாக கட்டுப்படுத்தம் நோக்கில், 15 பொது சுத்திகரிப்பு நிலையங்களுக்கு 127 கோடியே 40 லட்சம் ரூபாய் வட்டியில்லா கடன் வழங்க முதல்வர் ஜெயலலிதா உத்தரவிட்டுள்ளார்.

***

பொருளாதாரச் சரிவை சமாளிக்கும் நடவடிக்கையாக, புதிய கடன் கொள்கையின்படி, வட்டி விகிதத்தில் மாற்றம் செய்வதில்லை என முடிவெடுத்துள்ளதாக இந்திய ரிசர்வ் வங்கி அறிவித்தது.

இதன் எதிரொலியாக, அந்நிய செலாவணி சந்தையில் அமெரிக்க டாலருக்கு நிகரான ரூபாய் மதிப்பு உயரத் தொடங்கியுள்ளது.

***

முல்லைப் பெரியாறு அணை விவகாரத்தின் எதிரொலியாக, கேரளாவில் தமிழர்கள் தாக்கபடுவதை கண்டித்து, தேனியில் தடையை மீறி நடைப்பயணம் செல்ல முயன்ற விடுதலைச் சிறுத்தை இயக்க தலைவர் திருமாவளவன் உள்பட 1200 பேர் வெளிக்கிழமை கைது செய்யபட்டனர்.

இதனிடையே, கேரளாவில் தமிழ்நாட்டைச் சேர்ந்தவர்கள் தாக்கப்படுவதை கண்டித்து கம்பத்தில் 50 ஆயிரத்துக்கும் மேற்பட்டவர்கள் கம்பத்தில் அமைதி பேரணி நடத்தினர்.

***

மும்பை பங்குச்சந்தையில் வெள்ளிக்கிழமை வர்த்தகம் நிறைவடைந்தபோது, சென்செக்ஸ் 345 புள்ளிகள் வீழ்ச்சி கண்டிருந்தது. நிஃப்டி 94 புள்ளிகள் சரிந்திருந்தது.

***

சென்னையில் வெள்ளிக்கிழமை ஆபரணத் தங்கத்தின் விலை கிராம் ஒன்றுக்கு 2,610 ரூபாயாக இருந்தது.

****

AAMF உள்ளூர் விவகாரங்களில் தலையிடுவது அவசியமா?

அல்லாஹ்வின் மாபெரும் கிருபையால் துபை வாழ் அதிரை பெருமக்களின் மாபெரும் முயற்சியால் அதிரை அனைத்து முஹல்லா கூட்டமைப்பு(AAMF) உருவாக்கப்பட்டுள்ளது. அல்ஹம்துலில்லாஹ்! வரவேற்போம்!

துபையில் அதிரை அனைத்து முஹல்லா கூட்டமைப்பு(AAMF) ஆரம்பிக்கப்பட்டவுடன் முதலில் நான் மகிழ்ச்சியடைந்தேன். துபை வாழ் அதிரை சகோதரர்களுக்கென்று ஒரு அமைப்பு இல்லாமல் இருந்தது அல்ஹம்துலில்லாஹ். மேலும் இது விரிவடைந்து அதிரைவாசிகள் உள்ள அனைத்து நாடுகளிலும் தோன்ற யாவரும் துஆ செய்வோம்.

முதலில் நான் இந்த கூட்டமைப்பு வெளிநாடு வாழ் அதிரை சகோதரர்களின் மேன்மைக்காக ஆரம்பிக்கப்பட்டிருப்பதாக கேள்விப்பட்டேன் ஆனால் அதிரை அனைத்து முஹல்லா கூட்டமைப்பின் சட்டத்திட்டங்கள் உள்ளூர் விவகாரங்களில் தலையிடுவதாக தெரிகிறது. ஆதலால்தான் இந்த ஆக்கத்தை எழுத எனது மனம் உந்தப்பட்டது.

நீங்கள்(AAMF) அதிகம் கவனம் செலுத்த வேண்டியவைகள்....

1. சொந்த பந்தங்களை பிரிந்து தனது குடும்ப பொருளாதார தேவைக்காக அயல்நாட்டில் பணிபுரிந்து வரும் அனைத்து முஹல்லா சகோதரர்களை ஒன்றிணைத்து அவர்களுக்குள் ஓர் ஒற்றுமையையும், பாசத்தையையும் ஏற்படுத்திய அதிரை அனைத்து முஹல்லா கூட்டமைப்பிற்கு(AAMF) முதற்கன் என் நன்றியையும் வாழ்த்துககளையும் தெரிவித்துக்கொள்கிறேன். இதற்கு சாட்சியாக உங்களின் பெருநாள் சந்திப்பு காணொளிகளை கண்டு மனம் மகிழ்ந்தேன். இந்த முயற்சியை இடைவிடாது தொடருங்கள்.

2. எத்தைனையோ நம் சகோதரர்கள் வேலை பழு காரணமாக மன அழுத்தம், தூக்கமின்மை, இன்னும் பல சிரமங்களுக்கும், பிரச்சனைகளுக்கும் மத்தியில் தனது குடும்ப சூழ்நிலையை நினைத்து சம்பாதித்து வருகிறார்கள். இது போன்ற சகோதரர்களுக்கு ஊர் சகோதரர்களை ஒரே இடத்தில் பார்க்கும்போது ஒரு வித மன நிம்மதியை தரும் என்பதில் யாருக்கும் ஐயமில்லை.

3. வேலை தேடி விசிட் விசாவில் வரும் சகோதரர்களை அரவனையுங்கள், அவர்களுக்கு வேலை கிடைப்பதற்கு தகுந்த வழிவகைகளை செய்யுங்கள், உதாரணமாக உங்களுக்கு முடிந்தால் நீங்கள் பணிபுரியும் கம்பெனிகளில் வேலை கிடைப்பதற்கு அதற்குறிய தகுதி அவர்கள் பெற்றிருப்பின் அவர்களுக்கு வேலை கிடைக்க சிபாரிசு செய்யங்கள்.

4. எத்தனையோ சகோதரர்கள் பல சிரமங்களுக்குக்கிடையில் பட்டப்படிப்பை முடித்துவிடுகிறார்கள் அல்ஹம்துலில்லாஹ், ஆனால் அவர்களுக்கு படிப்பிற்குரிய வேலை கிடைப்பதில்லை. தனது குடும்ப (வறுமையை) சூழ்நிலையை நினைத்து ஆபிஸ் பாய்களாகவும், தூதுவர்களாகவும் (Messenger) பணியாற்றி வருகிறார்கள், இவர்களுக்கு அவர்களின் கல்வி தகுதிக்கு ஏற்ப வேலை கிடைக்க உதவி செய்ய வேண்டும். உயர் பதிவிகளிலும், அதிகாரி மட்டதிலும் வேலையில் இருக்கும் நம் சகோதரர்கள் இதில் முழு கவனம் எடுத்து அவர்களுக்கு உதவ முன்வாருங்கள்.

5. குறைந்தபட்சம் சக நண்பர்களிடமிருந்து வேலைவாய்ப்பிற்கான தகவல்களை திரட்டி அவர்களிடம் தெரிவியுங்கள்.

6. தனது சொந்த சகோதரியின் திருமணத்தை நடத்த முடியாமல் எத்தனையோ சகோதரர்கள் குறைந்த சம்பளத்தில் வேலை பார்த்து வருகிறார்கள், இது போன்ற சகோதரர்களை அடையாளம் கண்டு அவர்களுக்கு உதவி செய்யுங்கள்.

7. அல்லாஹ்வின் நாட்டபடி யாரேனும் வபாத்தாகினால் அவர்களின் உறவினர்களுக்கு துரிதமாக தகவல் கொடுப்பது, மையத்தை ஊருக்கு அனுப்ப நேரிடும் போது அதற்கு உறுதுனையாக இருந்து உதவிகள் செய்வது.

8. வெளிநாடுவாழ் அதிரை சகோதரர்களின் மேம்பாட்டிற்காக மட்டும் இந்த கூட்டமைப்பபு(AAMF) செயல்பட்டால் நன்றாக இருக்கும். 18 ஆண்டுகளுக்கு மேலாக அதிரையில் மக்கள் சேவையாற்றி வரும் அதிரை பைத்துல்மால் போன்ற நிறுவனம் மூலம் உங்களுடைய உள்ளூர் உதவிகளை நிறைவேற்றிக்கொள்ளலாம்

9. அனைத்து முஹல்லா சார்பாக 18 ஆண்டுகளுக்கு முன்பு தோற்றிவிக்கப்ட்ட அதிரை பைத்துல்மால் என்ற பொதுநல மக்கள் நிறுவனம் கீழே கூறப்படடுள்ள பணிக்கு முன்னுரிமை கொடுத்து மிக சிறப்பாக தனது பணியை செய்து வருகிறது.

1. வட்டியில்லாக் கடன்
2. ஜக்காத் வசூல்
3. ஃபித்ரா வசூல்
4. கல்வி உதவி
5. மாதாந்திர பென்சன்(முதியோர் உதவித்தொகை)
6. இலவச திருமணம்
7. அவசர ஆம்புலன்ஸ் சேவை
8. கல்வி மற்றும் சீருடை உதவித்திட்டம்.
9. மாணவர்களுக்கு வழிகாட்டுதல்
10. இன்னும் பல சமூக நலத்திட்டங்கள்.

மாதாந்திர வரவு - செலவு கணக்குகளையும் அவ்வமயம் அதிரை தளங்களின் மூலமாக மக்களுக்கு தெரிவித்து வருகிறது அதிரை பைத்துல்மால்.

இதை நான் இங்கே அழுத்தமாக சொல்வதற்கு காரணம் நாம் யாவரும் ஒரே நோக்கத்திற்காக ஒருங்கினைந்து செயல்பட ஆசை படுகிறோம், ஏற்கனவே தோற்றிவிக்கப்பட்ட அமைப்பை அதற்காக பயன்படுத்திக்கொள்ளலாம் அல்லவா? அப்படி இல்லையென்றால தமிழக அளவில் முஸ்லிம் அமைப்புகள் சிதறி சின்னாபின்னமாக கிடப்பது போன்று நம் ஊரிலும் பொது நல அமைப்புகள் வந்துவிடுமோ என்ற அச்ச உணர்வுதான், அல்லாஹ் பாதுக்காக்கனும்.
வெளிநாடு வாழ் அதிரை சகோதரர்கள் அதிரை பைத்துல்மாலுக்கு உதவி செய்து மேற்சொன்ன பணிகள் தங்கு தடையின்றி நடக்க ஒத்துழைக்கலாம்.

10. அதிரை அனைத்து முஹல்லா கூட்டமைப்பு(AAMF) தயவு செய்து உள்ளூர் விவகாரங்களில் தலையிடாமல் வெளிநாட்டில் பணிபுரியும் நம் சகோதரர்களுக்கு ஏற்படும் பிரச்சனைகளுக்கு தீர்வு காண்பது. வெளிநாடுவாழ் அதிரை வாசிகளின் மேம்பாட்டிற்காக மட்டும் முழு கவனம் செலுத்தி பல திட்டங்களை தீட்டி அதை நடைமுறைப்படுத்துங்கள். உள்ளூர் விவகாரங்களில் தலையிட்டால் பல பிரச்சனைகளும் குழப்பங்களும் வரும், ஏற்கனவே அதிரை பைத்துல்மால் முஹல்லா வாரியாக பொருப்புதாரிகளை நியமித்து அவர்கள் மூலம் ஏழை எளியவர்களுக்கு உதவிகள் செய்து வருகிறது. நீங்கள் ஊரில் இருக்கும் ஏழை எளியவர்களுக்கு உதவி செய்ய எண்ணினால் அதிரை பைத்துல்மால் மூலம் உங்களது உதவிகளை செய்யலாம்.

அமீரக அதிரை அனைத்து முஹல்லா கூட்டமைப்பு(AAMF) போன்று அதிரை வாசிகள் கணிசமாக உள்ள அனைத்து நாடுகளிலும் இக்கூட்டமைப்பு(AAMF) தோற்றிவிக்கப்பட்டு அந்தந்த நாடுகளில் பணிபுரியும் நம் அதிரை சகோதரர்களின் மேம்பாட்டிற்காக உதவ வேண்டும்.

உதவிகள் புரிபவர்களுக்கு நற்கூலி நிச்சயம் உண்டு, அதற்குரிய பலன்களை நிச்சயமாக அவர்கள் மறுமையில் காண்பார்கள்.

எனவே நம் சமுதாய ஒற்றுமை கருதி
ஒரே குடையின் கீழ் யாவரும் வருவோம்!
உதவிகள் பல புரிவோம்!!
நற்கூலி பெறுவோம்!!! இன்ஷா அல்லாஹ்.

நமது ஊரின் ஒற்றுமையை கருத்தில் கொண்டு எழுத்தப்பட்ட ஆக்கம், தயவுசெய்து ஆரோக்கியமான கருத்துக்களையும் உங்களது யோசனைகளையும் இங்கே பகிர்ந்து கொண்டால் நன்மையாக இருக்கும்.

அன்புடன்.
வளர்பிறை...

தனித் தூதுகள் – messengers

தனித் தூதுகள் – messengers

சமூக பினைப்பு வலைத் தளங்களின் (social networking) ஆதிக்கம் அதன் உள்நோக்கு ஆக்கப் பனிகளை காட்டிலும் சீரழிவுப் புதை குழிகளை வெட்டி வைத்து வீழ்த்துவதில் முன்னனியில் இருப்பதை யாவரும் அறிந்ததே இதனை

மேலும் இனி வரும் பதிவுகளில் விரிவாக நிச்சயம் நாம் தெரிந்து கொள்ளத்தான் இருக்கிறோம், இதற்கு முன்னர் வெளிவந்த இரண்டு தொடர்களை வாசித்த சில நண்பர்கள் தனி மின்மடல் மூலமாக அவர்களுக்குரிய சந்தேகங்களை வாதமாக வைத்தார்கள், அவர்களுக்கு மறுமொழி அளிக்கும்போதே விளக்கம் கொடுத்திருந்தேன் அவைகளின் சுருக்கச் சாரம் இங்கே பதியலாமே என்று தோன்றியதால் பதிகிறேன்.

நம் மக்கள் கணினியின் உதவியுடன் உலவியில் வலை மேய்ச்சலுக்கு ஈடாக அதிகம் பன்படுத்தும் மற்றொரு இணைய பயன்பாடுதான் "தனித்தூது" (messenger) மென்பொருள்கள் (software) இவைகளை மிகப் பிரபலமான நிறுவனங்களும், வேறு பல வலைத்தளங்களை நிர்வகிக்கும் நிறுவனங்களும் இலவசமாக வழங்கி வருகின்றன. சரி இந்த "தனித்தூது" (messanger) எப்படி உருவானது? இன்று இதன் உச்சம் எந்நிலையில் உள்ளது ! என்று துருவ ஆரம்பித்தால் பதிவின் நீளம் நீண்டு கொண்டேயிருக்கும். இதனை சுருக்கமாக இரண்டு வரிகளில் சொல்வதனால் இரு கணினிக்கிடையில் தகவல் பரிமாறிக் கொள்ள பயன்படுத்தப்பட்ட மிகச் சாதாரன மென்பொருளின் வளர்ச்சிதான் இன்று பலகோடி கணினிகள் உதவியுடன் ஒரே நேரத்தில் கணக்கிடங்கலாத கணினி பயன்பாட்டளர்களுடன் தொடர்பு கொள்ள முடிகிறது.

இன்றைய சூழலில் எத்தனையோ வகையான தொலைவு அனுகுமுறை (remote access) அதாவது நமக்கு அருகிலிருக்கும் அல்லது தூரத்திலிருக்கும் கணினியை நாம் இருக்கும் இடத்திலிருந்து கொண்டே இயக்குவதற்கு நல் நோக்கத்தில் இலவசமாக உலவ விட்ட மென்பொருள்கள் (remote access softwares) கலப்போக்கில் வேவு பார்க்கவும், நிறுவப்பட்டிருக்கும் (installed) கணினியையே வேட்டு வைக்கவும் பயன்படுத்தப் பட்டு வருவது விஞ்ஞான வளர்ச்சி சீர்கேட்டுக்கு வாய்கால் வெட்டி வரப்பு உயர்த்தி வைத்திருப்பது என்னவோ உண்மை.

எனக்கு வந்த தனிமடலில் அதெப்படி அடுத்தவங்க கணினியில் உள்ளே செல்ல முடியும் என்று கேட்டதோடில்லாமல் வாதம் செய்வதுபோல் சில கேள்விகளையும் அடுக்கியிருந்தார் எனது நண்பன் அதோடு சற்று அந்த விசயத்தை சில நாட்களே ஆறப்போட்டேன், அப்படி என்னதான் கேட்டுபுட்டானாம் முனுமுனுக்க வேண்டாம்.

நான் அவனிடம் வழக்கமாக மிகப் பிரபலமான நம் எல்லோருக்கும் தெரிந்த சுடான மின்அஞ்சல் "தனித்தூது" மூலம் தட்டச்சு செய்தும் (typing) வாயாடி சாட்டிங்கில் (voice chatting) ஈடுபட்டிருந்தேன் அவரது கணினியில் இருந்த சிக்கல்கள் பற்றி சில சந்தேகங்கள் கேட்டார் நான் எவ்வளவு சொல்லியும் அவருக்கு சரியாக பிடிபடவில்லை வெறுப்பில் திட்ட ஆரம்பித்து விட்டார் அவரிடம் சமாதானம் செய்து விட்டு நான் சொல்வதை செய்டான்னு சொல்லி ஒவ்வொன்றாக செய்தார் “மைவைத்து மயக்கியவர்” போல் ஏன்னா அவருக்கு அந்தச் சிக்கல் சரியாக வேண்டுமே அப்படியொரு நெருக்கடி.

சற்று நேரத்தில் DTH அதிர்வதுபோல் சத்தமாக கத்த ஆரம்பித்து விட்டார் வாயாடியிலும் (voice chatting) பேசி கொண்டுதான் இருந்தேன் அவரோடு, அதாவது தானாக கணினி இயங்க ஆரம்பிக்குது எல்லாமே மறஞ்சுடுச்சுன்னு மறுபடியும் சரியா வந்திடுச்சு ஆனா மவ்சு தானாக அசையுது, எழுத்துக்கள் வருகிறதேன்னு.

நானும் அவர் சொல்லியிருந்த சிக்கலை சரி செய்வதாக சொன்னேன் சிறிது நேரத்தில் அவரது கணினியின் உள்ளே சென்று அகம் கண்ட பலனாக myPicture folderல் (என்னுடைய படங்கள் கோப்பு) யார் யார் படங்கள் இருக்கிறது என்று நான் பாட்டியலிட்டதும் அதிர்ந்து விட்டார் இதேபோல் இன்னும் சில அதிர்ச்சிகள் கொடுத்து அதிரவிட்டேன் எல்லாவற்றையும் இங்கே விளக்க முடியவில்லை.

இது ஒரு சாம்பிள்தான் இதைவிட கண்ணைக் குத்திவிட்டு ஒன்றுமே தெரியாமல் எவ்வளவோ வலைக்குள் ஊடுருவி செய்வினையோ வஞ்சனையோ அல்லது எதனையும் புதைத்து வைத்து பின்னர் கதவு தட்டிச் சென்று கணினியானந்தாவையோ, கூகிலாண்டவரையோ, சூடுமெயிலாண்டவரையோ யாஹுவாண்டவரையோ வழித் தடம் காட்டிட இழுத்து வைத்துக் கொண்டு கணினிப் பினிபோக்கிட (சீர் செய்ய) வைக்க முடியும், வதைத்து எடுக்கவும் முடியும் என்று சொல்லத்தான் இதனை மேலோட்டமாகத் தான் சொல்லியிருக்கேன்.

தொலைவு தொடர்புகள் (remote access) ஏற்படுத்த இலவசமாக நிறைய மின்பொருள்கள் கொட்டிக் கிடக்கிறது, இதனைக் கொண்டு விபரம் தெரிந்தவர்களின் கண்ணையே கட்டிவிட்டு கண்ணாமூச்சி விளையாட முடியும் ஆனால் நுனுக்கமான கணினி அறிவு இல்லாமல் நம் வீடுகளில் இயக்கப்படும் கணினிகளின் நிலையை யோசித்துப் பாருங்கள்.

• இலகுவாக யாரையும் நண்பர்கள் பட்டியலில் சேர்த்து விடாதீர்கள்.
• புதியப் பழக்கம் கிடைத்து சாட்டிங்கில் இருக்கும்போது அதனை மட்டும் செய்யுங்கள்.
• முடிந்தவரை நெருங்கியவர்களுடன் மட்டுமே சாட்டிங்கில் ஈடுபடுங்கள்.
• வீட்டுக் கணினியை எப்போது கண்கானியுங்கள் ஆனால் வேவு பார்ப்பதாக மாட்டிக் கொள்ளாமல் உங்களின் கவனத்தை தெரியப் படுத்திடுங்கள்.
• பிள்ளைகளின் தனித்தூது ஐடியை தெரிந்து வைத்திருங்கள்
• அவர்களிடம் நண்பர்களின் தொடர்பு பட்டியலை கணினியில் உங்களுக்கு காட்டிவிடச் சொல்லுங்கள்.

இதெல்லாம் செய்தாலும், நம் குழந்தைகளுக்கு நாம் நல்லவர்களாக இருப்போம் என்று நம்பிக்கை ஏற்படுத்துவோம் அதேபோல் அவர்களையும் நமக்கு நல்லவர்களாக இருக்க வைப்பதற்கு முயற்சிகள் அனைத்தையும் செய்வோம் இன்ஷா அல்லாஹ்..!

நம்பிக்கையூட்டுங்கள் அவர்களின் தனித் தன்மையில் தலையிடமாட்டீர்கள் என்றும், அதே நேரத்தில் அத்துமீறல்கள் கண்டால் மவுனம் காக்க மாட்டீர்கள் என்றும் வெளிக்காட்டி விடுங்கள்..

இதைவிட இன்னும் சொல்லித்தர நீங்களும் இருக்கிறீர்கள் தானே சொல்லுங்களேன் பின்னுட்டம் வாயிலாக...

குறிப்பு : வீட்டிலிருக்கும் இண்டெர்நெட் இணைப்புக்கு பயன்படுத்தும் அகல அலைவரிசை இணைய அணுகல் - இணக்கி / வழிச்செயலி (ADSL modem / router) பாதுகாப்பும் அதன் பயன்பாடுகள் என்னவென்றும் அவசியம் நாம் யாவரும் தெரிந்து வைத்திருக்க வேண்டும். இதனைப் பற்றி விலாவாரியாக அடுத்தடுத்து பார்க்கத்தான் வேண்டுமா ?

அதிரைநிருபர் வலைத்தளத்தில் அபுஇபுறாஹிம் அவர்கள் எழுதி தொடராக 23-Nov-2010 அன்று வெளிவந்த "இணையத்தில் வலைவீச்சு" இரண்டாம் அத்தியாயம்.

அதிரையில் தொடர் மழை...

அதிரையில் நேற்று இரவிலிருந்து தொடர்ந்து மழை பெய்து வருகிறது, இந்த தொடர் மழையின் காரணமாக ஊரில் உள்ள அனைத்து குளங்களும் நிரம்புகிறது.  தெருவோரங்களில் மழைநீர் வழிந்து ஓடுகிறது.

ஊரில் கிணறு என்று இருந்ததே எங்கே என்று கேட்குமளவிற்கு அவைகள் மறைந்து வந்தாலும் நிலத்தடி நீருக்கு இந்த மழை ஒரு வரப்பிரசாதம்.

மக்களின் இயல்வு வாழ்க்கை வழமைபோல் இருந்தாலும், மழையின் பாதிப்பால் இறுக்கமான நிலையே நிலவுகிறது. பொதுமக்கள் சாலையோரங்களில் கடந்து செல்லும்போது கவணமாகச் செல்வது நல்லது.  மின்சார கம்பங்கள் அருகில் நிற்பதோ அல்லது கம்பிகள் கீழே விழ்ந்து கடந்தால் அதன் அருகில் செல்வதோ தவிர்க்கப்பட வேண்டும் அதோடு உடணடியாக மின்சார வாரியத்திற்கு தகவல் கொடுக்கவும் வேண்டும்.

இணையத்தில் வலைவீச்சு - ஓர் மீள்பதிவு

Version - 3

இணையத்தில் காண்பது (சமூக) பிணைப்பா அல்லது தனிமனித சுதந்திரமா ? இவைகளையும் இங்கே பார்த்து வருகிறோம். இணையத்திலிருக்கும் சாதக பாதக நிகழ்வுகளை முடிந்த வரை என் தேடலுக்குள் எட்டியதையும் சிக்கியதையும் கோர்வையாக்கி உங்களின் சிந்தனைக்காக வைத்திருக்கிறேன்.

இன்றையச் சூழலில் மிகப் பிரபலமாக இருந்துவரும் எத்தனையோ சமூக பிணைப்பு வலைத் தளங்களில் முதன்மையாகவும் அதோடு நாம் யாவருக்குமே நன்கு அறிந்த "சமூக பிணைப்பு" வலைத் தளமான "facebook.com" தோற்றமும் அதன் அசுர வளர்ச்சியும் வியக்க மட்டும் வைக்கவில்லை அதன் விபரீதம் எந்த அளவுக்கு பரந்து விரிந்து கடை போட்டிருக்கிறது என்பதும் அதிர்ச்சியை கொடுக்கிறது.

"ஃபேஸ்புக்" 2004ம் வருடம் ஜனவரி இரண்டாவது வாரத்தின் இறுதியில் "ஹார்வர்ட் பல்கலைகழக" மாணர்வகள் விடுதி அறையில் தனியாக இருந்த "மார்க் ஜுக்பெர்க்" தனது தொலைந்த நட்புகளை எப்படி மீட்டெடுப்பது என்று மல்லாக்க படுத்து யோசித்ததன் வினையே பின்னர் தனது மற்ற மூன்று நண்பர்களுடன் சேர்ந்து 2004 ஃபிப்ரவரி மாதம்உருவாக்கிய வலைத் தளம்தான் அந்த பல்கலைக்கழக மாணவர்களுக்கு மட்டுமே என்று உலவவிட்டனர், பின்னர் பாஸ்டன் இன்னும் பிற கல்லூரி மாணவர்களையும் வலைக்குள் சிக்க விட்டனர் அதோடில்லாமல் பள்ளிகளிலும் இதன் ஊடுருவல் எத்தியது.

பள்ளிக்கூட எல்லையைத் தொட்டவுடன்தான் ஒரு கட்டுப்பாடு வைக்கப்பட்டது அதில் 13வயதுக்கு மேல் உள்ளவர்கள்தான் இதில் இணையலாம் என்று ஆனால் அங்கிருக்கும் வரை அவர்கள் வயதைச் சரியாகத்தான் சொல்லி வந்தனர் பின்னர் இதனை வெளியுலகிற்கு திறந்து விட்டதும் எத்தனை பேர் உண்மையான வயதைச் சொல்லியிருப்பார்கள் ? இன்று 500மில்லியனுக்கு மேல் பயன்பாட்டார்களைக் கொண்டிருக்கிறது இந்த வலைத் தளம் இதுவே தடம் மாறுபவர்களின் மனதையும் கொன்று குவித்து வருவதையும் மறுக்க முடியாது.

ஆரம்பித்தவர்கள் நோக்கம் என்னவோ தொலைத்த நண்பர்களை வலைக்குள் சிக்கவைக்கத்தான், ஆனால் இதனை நாளடைவில் நட்பு என்பதன் அற்புதமான மகிமையைகொச்சைப் படுத்தவும், காமம் கலக்கவும், களவு கற்பிக்கவும், நம்பிக்கை துரோகம் செய்யவும், குழப்பம் உண்டாக்கவும், கணவன் மனைவி உறவுக்குள் ஊடுருவவும், பழிவாங்கிடவும் ஒரு சாரார் பயண்படுத்த ஆரம்பித்து விட்டனர். இதில் மிகச் சிலரே நல்ல முறையில் இந்த தளத்தை ஆக்கப் பணிகளுக்கும் அவர்களின் நலன் தேடும் நேசங்களை ஒன்றினைக்கவும் பயன்படுத்துகிறார்கள்.

இதன் பயன்பாடுகள் பற்றி சொல்வதனால் நீண்டு கொண்டே செல்லும், ஆகவே கேள்விகளாக உங்களிடையே ஏதும் உதித்தால் பின்னுட்டங்களாக அனுப்பித் தாருங்கள் அதற்கான பதிலோடு இன்னும் விரிவாக பார்க்கலாம். சரி, இவர்கள் எப்படி இந்த சேவையை இலவசமாகத் தருகிறார்கள? இவர்களின் வெற்றி எங்கே ஆரம்பித்தது?

முதலில் இவர்கள் வைத்த குறி தடுமாறும் இளமையை இலகுவாக வலைத்துப் போட்டு மிகப் பெரிய வலை வட்டம் உருவாக்கினார்கள் அங்கே அவர்கள் கண்டது இளைஞர்களின் அதீத உலக ஆசைகளும், ஆண் பெண் மோகம் இவைகள்தான். இதனையே முலதனமாக வைத்தார்கள் தங்களின் பொழப்புக்கும் இந்த வலைத் தளத்தை இலவசமாக நடத்துவதற்கும், பெரிய பெரிய நிறுவனங்களிடமிருந்து விளம்பரங்களைப் பெறுவதற்கு சேமித்து வைத்திருக்கும் அங்கே பெற்ற அரிய தகவல்களை பரிமாறிக் கொள்ளச் செய்தார்கள்.

இதன் பயன்பாட்டாளர்கள் ஏற்கனவே பதிந்து வைத்திருந்த தகவல்களை அவர்களுக்குத் தெரியாமலே இவ்வகை வலைத் தளங்களை நடத்துபவர்களின் தகவல் பெட்டகத்திலிருந்து அதாவது சுயவிபரங்களின் குறிப்புகளிலிருந்து அவர்களின் ஆண்/பெண் பால், விருப்பு,வெறுப்பு, இடம், மோகம், செலவீனங்கள், குடியிருப்பு, உறவுகள், எவ்வகையில் தேவைகள் நிறைவு செய்வார்கள் இன்னும் நிறைய விபரங்களை எடுத்து அவரவர் நாட்டிற்கு தகுந்த மாதிரி, மாநிலத்திற்கு தகுந்த மாதிரி நேர்படுத்தி ஆங்காங்கே இருக்கும் நிறுவனங்களுக்குக்கு சந்தைபடுத்தும் ஆய்வு (market study) என்ற பெயரில் கொடுத்து அவர்களின் விளம்பரங்களை பெருவதற்கு பயன்படுத்துகிறர்கள்.

அவ்வாறு பெறப்படும் விளம்பரங்களை பயன்பாட்டாளர்களின் விருப்பு வெறுப்புக்குத் தகுந்தார்போல் அவர்கள் ஃபேஸ்புக் வலைத் தளத்திற்கு வருகை தரும் நேரங்களில் தானாக இவ்வகை விளம்பரங்கள் கண்ணுக்குள் சிக்க வைக்கின்றனர் இதில் சிலர் “அட இதென்ன புதுசா இருக்கேன்னு” அந்தச் சுட்டியை தட்டி விட்டால் வலைத் தளம் நடத்துபவர்களின் கல்லா கட்டும் சொட்டு நீர் பாசனம் போல் அங்கே ஒரு சொட்டு இங்கே ஒரு சொட்டு என்று சிறு துளிகள் அப்படியே பெரும் வெள்ளப் பெருக்கெடுத்து நிறையும் அவர்களது கஜானா. இதுமட்டுல்ல ஆன்லைன் கேம்ஸ் இதில் இவர்கள் அடிக்குக்கும் கொள்ளைக்கும் எல்லையில்லை.

உதாரணத்திற்கு வளைகுடாவில் இருக்கும் ஏதாவது ஒரு நாட்டில் உங்களின் நுழைவு மின் அஞ்சல் முகவரியையும் கடவுச் சொல்லையும் இட்டு இந்த வலைத்தளத்திற்குள் சென்றால் இங்கே இருக்கும் நிறுவனங்களின் விளம்பரங்கள் உங்கள் கண்ணில் படும் அவைகள் உங்களின் விருப்பு வெறுப்புக்கு ஏற்றார் போலிருக்கும், அப்படியே ஊருக்குச் சென்றதும் நடுவிக் காட்டுக்கு போயி அங்கே தோப்பில உட்கார்ந்துகிட்டு ஃபேஸ்புக்கை திறந்து மேய்ச்சலில் ஈடுபட்டால் கண்ணுக்குள் சிக்கும் இந்திய நிறுவனங்களின் விளம்பரங்கள், என்ன ஒரு வித்தியாசம் இங்கே எந்த வகை பொருளின் விளம்பரமோ அதுவே அங்கே இந்திய கம்பெனியாக வரும் ஏன் ஒருவேலை உங்களின் ரசனைக்கு தகுந்தார் போல் "தரமான உரம்" என்ற விளம்பரமும் கூட வரலாம்.

மிகப் பெரிய இரண்டு நிறுவனங்களில் இங்கே இவர்களின் செயல்பாடுகளில் நாம் கண்ட அனுபவம். இவர்கள் எப்படி அனுகுகிறார்கள் என்றால், அவர்களின் முன்னுரையே இப்படித்தான் இருக்கும் "உங்கள் பொருட்களை சந்தைப் படுத்த சரியான வழி என்றும்,உங்களின் பொருட்களின் மோகம் அதிகம் எந்த எந்த இடங்களில் இருக்கிறது என்று பட்டியலிடுவதும் அதனை அப்படியே அச்சு எடுத்துவந்து பூச்சாண்டி காட்டுவதும் அதில் முதல் ஒரு இலட்சம் அடி(க்கு) hit இலவசம் அடுத்தடுத்து வரும் ஒவ்வொரு அடிக்கும் (hit) இவ்வளவு வரும் என்றுதான் வருவார்கள், முதல் மாதம் நன்றாக இருப்பதாக உணர்வோம்,அடுத்தடுத்த மாதம் அவர்கள் கேட்டுவரும் தொகைகயைக் கண்டால் தலையைச் சுற்ற ஆரம்பிக்கும், மூன்றே மாதத்தில் அந்த இரண்டு நிறுவனங்களும் இந்த விளையாட்டுக்கு நாங்க வரலைன்னு பின் வாங்கிக் கொண்டன.

ஒவ்வொரு அடிக்கும் காசு கொட்டுவது "வீட்டு மணைகளில் மட்டுமல்ல" இந்த இணையக் கடலில் வலைகட்டி உல்லாசம் தேடும் இவ்வலைத் தொட்டிலிலும் ஒவ்வொரு அடிக்கும் (click) காசு இதுதான் இவர்களின் வயத்துப் பொழப்பு ???

இந்தப் பாவப்பட்ட "முகப்புத்தகம்" (facebook.com) தனது கிளை தலைமை அலுவலங்களை அமெரிக்கா, ஐயர்லாந்து, சவுத்கொரியா, நியூஸ்லாந்து மற்றும் இந்தியா (ஹைதராபாத்) வைத்திருக்கிறது. சென்ற வருடம் வரை இதன் வருமானம் 800 மில்லியன் டாலர்கள். மொத்தம் 1789 க்கு மேல் வேலையாட்கள் இருக்கிறார்கள்.

எந்தவிதமான ஆக்கபூர்வமான பனிகளுமில்லாமல் வெறுமனே பொழுது போக்குக்காக பயன்படுத்திவருகிறோம்னு நாம் சொல்லிக் கொண்டாலும் இதன் பாதகங்களை உணர்ந்திருக்கிறோமா ? அதனால் பாதிக்கப் பட்டிருக்கிறோமா ? நமது நேசங்களில் எத்தனை பேர்கள் இதனை சிக்கலாக பார்க்கிறார்கள் ? எத்தனை பேர் சிறப்பாக வலைய வருகிறார்கள் ? இதனால் கண்ட பலன்கள்தான் என்ன ? ? !

அதிரைநிருபர் வலைத்தளத்தில் அபுஇபுறாஹிம் அவர்கள் எழுதி தொடராக 30-Nov-2010 அன்று வெளிவந்த "இணையத்தில் வலைவீச்சு" மூன்றாம் அத்தியாயம்.

ஜாவியா!

யாசகம் கேட்டு வருபவர்களிடம் அன்பை வெளிபடுத்த வேண்டும், முகம் சுலிக்கக்கூடாது, அல்லாஹ் இவர்கள் மூலம் மலக்குமார்களை அனுப்பி முஹ்மீன்களை சோதனை செய்வான் எனற ஹதீஸை அழகான முறையில் எடுத்துரைத்தார் இளம் மவ்லவி அப்துல் ஹாதி.

நமதூரில் ஒவ்வொரு ஆண்டும் வழக்கம்போல் 40 நாட்கள் நடைபெறும் புகாரி சரீப் மஜ்லிஸ் இவ்வாண்டு 27 - 10 - 2011 ஆம் தேதியன்று துவங்கி சிறப்பாக நடைப்பெற்று வருகின்றது. பெருநாள் விடுமுறையில் ஊரில் இருக்கும் போது புகாரி சரீப் மஜ்லிஸுக்கு செல்ல நேரிட்டது. இளம் மவ்லவி அப்துல் ஹாதி அவர்களின் பயான் மிக சிறப்பாக இருந்தது, அச்சமூட்டி எச்சரிக்கை செய்யும் பல ஹதீஸ்களை அவர் அழகாக எடுத்துரைத்தார், குறிப்பாக வயோதிக நிலையை அடைந்த பேற்றோர்களை எவ்வாறு பேண வேண்டும், யாசகம் கேட்டு வருபவர்களிடம் நடந்து கொள்ளும் முறை பற்றியும் விளக்கமாக பேசினார்.

யாசகம் கேட்டு வருபவர்களுக்கு உங்களிடம் உதவ ஒன்றுமில்லை என்றால் அவர்களை அன்பாக பேசி அனுப்பிவிடுங்கள், கடும் சொற்களை சொல்லி அவர்களை விரட்டாதீர்கள் எனறு பயான் செய்தார். மஹரமான ஆண் துணை இல்லாமல் பெண்கள் ஹஜ் செய்ய போவதை மிக கடுமையாக எச்சரித்து அதன் மூலம் ஏற்படும் பிரச்சனைகளையும் பட்டியலிட்டு பேசினார்.

இறுதியில் ஆஸ்பத்திரி தெரு அப்துல்லாஹ் ஆலிம் (காத்தான்குடி இலங்கை) அவர்கள் துஆ செய்தார்கள். பிறகு தப்ரூக் வழங்கப்பட்டு அன்றைய தின நிகழ்வு இனிதே நிறைவுற்றது.

குளங்கள் நிரம்புகின்றன!

சமீபத்தில் தமிழகத்தில் பரவலாக பெய்த வடகிழக்கு பருவ மழையினால் பல ஆறுகள் நிரம்பி வழிகின்றன. தஞ்சை மாவட்டத்திலும் மழை வெளுத்து வாங்கியது, இதையடுத்து நம் ஊர் குளங்களை நிரப்பும் CMP வாய்க்கால்களிலும் நீர் வரத்து வந்து கொண்டிருக்கின்றது.

இதன் மூலம் செக்கடி, ஆலடி, மன்னப்பம் ஆகிய குளங்கள் நிரம்பி வருகின்றன். இந்நீர் வரத்து இன்னும் ஒரு வாரத்திற்கு நீடித்தால் மேற்குறிப்பிட்ட அனைத்துக்குளங்களும் முழுமையாக நிரம்பிவிடும்.

இன்று பகல் தகவலின் படி வங்கக்கடலில் புதிய காற்றழுத்த தாழ்வுநிலை உருவாகியுள்ளதால் அடுத்த 24 மணி நேரத்தில் தமிழ்நாட்டின் கடலோர மாவட்டங்களில் கனமழை பெய்ய வாய்ப்புள்ளதாக சென்னை வானிலை ஆய்வு மையம் அறிவித்துள்ளது.

அதிரையில் SBI ATM விரைவில்...

சில மாதங்களுக்கு முன் புதிதாக உதயமாகி அதிரையில் சேவையை துவங்கி உள்ள ஸ்டேட் பேங்க் ஆப் இந்தியா அதிரை கிளை இன்னும் ஒரு சில மாதங்களில் தனது தானியங்கி பணம் வழங்கி(ATM) மையத்தை திறக்க திட்டமிட்டுள்ளதாக தெரிகிறது.

இது குறித்து வங்கி மேலாளரை தொலைபேசியில் தொடர்பு கொண்டு கேட்டப்பொழுது, ATM மையத்தை செயல்படுத்துவதற்கான ஆனை(APPROVAL) இன்னும் மும்பையிலிருந்து வரவில்லை என்றும், அந்த ஆனைக்காக காத்திருப்பதாகவும் ஆனை வந்தவுடன் ATM மையத்தை உடனே செயல்படுத்துவதற்கான வேலைகளில் இறங்குவோம் என்றும் தெரிவித்தார்.

ஸ்டேட் பேங்க் ஆப் இந்தியா - அதிராம்பட்டினம் கிளை தற்பொழுது நம்-ஊரில் அதிக வணிக நிறுவனங்கள் இயங்கி வரும் பிரதான சாலையில்(தக்வா பள்ளி முனையிலிருந்து - கனரா பேங்க் வரையிலும்) கீழ்கண்ட முகவரியில் செயல் பட்டு வருகிறது. ATM மையமும் வங்கியின் அருகாமையில் அதே சாலையில் (புதுத்தெருவில்) செயல்பட உள்ளது என்பது குறிப்பிடத்தக்கது.

வங்கியின் முழு விபரம். (இந்த தகவல் நெட் பேங்கிங் செய்பவர்களுக்கு உதவியாக இருக்கும்)
Bank : State Bank Of India
State : Tamilnadu
District : Thanjavur
Branch : Adirampattinam
IFSC Code : SBIN0014370 (5th character is zero)
Branch Code :014370 (Last 6 Characters of the IFSC Code)
City : Adirampattinam
Address :
30, New Street, Market Road,
Adirampattinam, Thanjavur Dist-614701
Contact No : 09445860469

SBI ATM மையம் செயல்பட துவங்கினால் அதிரையில் ATM மையங்களின் எண்ணிக்கை ஐந்தாக உயரும்.

அதிரையில் ஏற்கனவே செயல்பாட்டில் உள்ள ATM மையங்கள்.
1. AXIS BANK ATM.
2. CANARA BANK ATM.
3. INDIAN BANK ATM.
4. DHANALAKSHMI BANK ATM.

பாதாள சாக்கடை திட்டம் - மாவட்ட ஆட்சியாளர் தகவல்

தஞ்சை மாவட்டத்திலுள்ள 22 பேரூராட்சிகளிலும் பாதாள சாக்கடை திட்டம் தொடங்கப்படவுள்ளதாக மாவட்ட ஆட்சியாளர் பாஸ்கரன் தெரிவித்தார்.

ஒருங்கிணைந்த நகர்ப்புற வளர்ச்சி திட்டத்தின்கீழ் 2011 & 2012 முதல் 2015 & 2020 வரை 5 ஆண்டுகளுக்கான திட்டப்பணிகள் குறித்த ஆய்வு கூட்டம் தஞ்சை மாவட்ட ஆட்சியாளர் அலுவலகத்தில் மாவட்ட ஆட்சியாளர் பாஸ்கரன் தலைமையில் நேற்று நடைபெற்றது.

கூட்டத்தில் மாவட்ட ஆட்சியாளர் பாஸ்கரன் பேசுகையில்:-

பேரூராட்சிகளில், ஒருங்கிணைந்த நகர்ப்புற வளர்ச்சி திட்டத்தின்கீழ் 5 ஆண்டுகளுக்கு மேற்கொள்ள வேண்டிய பணிகள் குறித்த ஆய்வறிக்கையை சம்மந்தப்பட்ட அலுவலர்கள் உடனடியாக சமர்ப்பிக்க வேண்டும்.

இதில் பாதாளச் சாக்கடை திட்டம், குடிநீர் திட்டம், தெரு விளக்குகள், பூங்கா அமைத்தல், திடக்கழிவு மேலாண்மை, சுகாதார வளாகம், மயான மேம்பாடு, பஸ் நிலையம் அமைத்தல், வணிக வளாகம் கட்டுதல், மழை நீர் சேமிப்பு, வாகனங்கள் நிற்குமிடம், நீர்நிலை மேம்பாடு மற்றும் இதர அடிப்படை கட்டமைப்பு திட்டங்கள், பணிகள் தேர்வு செய்யப்பட வேண்டும். இதற்கான திட்ட அறிக்கையும் உடனடியாக தயார் செய்யப்பட வேண்டும்.

முன்னுரிமை அடிப்படையில் 22 பேரூராட்சிகளிலும் பாதாளச் சாக்கடை திட்டம் அமைக்கப்பட வேண்டும்.

இதில் முதல்கட்டமாக தாராசுரம் பேரூராட்சியில் ₹.24 கோடியிலும், ஒரத்தநாட்டில் ₹.12.21 கோடியிலும், திருநாகேஸ்வரத்தில் ₹.23 கோடியிலும், அதிராம்பட்டினத்தில் ₹.23.73 கோடியிலும், பாபநாசத்தில் ₹.21.12 கோடியிலும் அமைக்க திட்டமிடப்பட்டுள்ளது.

இத்திட்டத்திற்கான கழிவுநீர் தேக்க நிலையம் அமைக்க வேண்டும். அதற்கான திட்டத்தை கண்டறிந்து தேர்வு செய்ய வேண்டும். அதற்குரிய நடவடிக்கைகளை சம்மந்தப்பட்ட செயல் அலுவலர்கள் மேற்கொள்ள வேண்டும். மேலும், சமூக பொருளாதார மக்கள் தொகை கணக்கெடுப்பு 22 பேரூராட்சிகளிலும் டிசம்பர் மாதம் முதல் தேதி தொடங்கப்பட வேண்டும். கூட்டத்தில், பேரூராட்சிகள் உதவி இயக்குநர் பாலசுப்பிரமணியன், தமிழ்நாடு குடிநீர் வடிகால் வாரிய உதவி செயற்பொறியாளர் சின்னசாமி, ஆர்.டி.ஓ. காளிதாஸ் மற்றும் பேரூராட்சி செயல் அலுவலர்கள் கலந்துகொண்டனர்.

அதிரை வானிலை கண்கானிப்பு மையம் - ஆவணப்படம் (காணொளி)

அதிரையின் எச்சூழலையும் அலசி ஆராயும் அதிரைபிபிசி ஆராவாரமாக பெய்து கொண்டிருந்த தொடர் மழையின் தாக்கத்தையும், அதன் சூழலையும் அலசி ஆராய புறப்பட்டது அதன் இளம்படை. கொட்டும் மழையை அள்ளி வந்திடலாம் என்று சென்றவர்களுக்கு அல்லாஹ்வின் அருட்கொடை மழைக்கு அளவுகோல் வைத்து அளந்து சொல்லும் ஓர் ஆராய்ச்சி மையம் ஒன்று கண்ணில் பட்டது.

அங்கே ! ஓர் இனிமையான பெண் அலுவலகப் பொறுப்பாளர் திருமதி சின்னத்தாய் Msc., B.Ed. இவர், முன்னாள் பள்ளி ஆசிரியை, இந்நாள் அதிரை வானிலை கண்கானிப்பு மையத்தின் அலுவலக பொறுப்பாளராக தன்னடக்கத்துடன் எங்களை வரவேற்று, அவர்களுக்கே உரிய ஆசிரியர் பணியின் அற்புதத்தால் அங்கே பயிலும் மாணாக்களாக சென்ற எங்களுக்கு விளக்கிய விதம் அருமை.

வானத்தை அன்னாந்து பார்த்துக் கொண்டு மழை வருமா? வந்தால் பள்ளிக்கூடங்கள் விடுமுறை விடுமா? என்ற காத்திருக்கும் மாணவர்களைப் போல் நாமும் அங்கிருந்த அனைத்து ஆராய்ச்சி பயண்பாட்டுச் சாதனங்களை பார்த்ததும் கேள்விகள் கேட்டோம், ஆச்சர்யப்பட்டோம் இதுநாள் வரை அதிரையில் இப்படியான மையம் இருப்பதை எத்தனை பேருக்குத் தெரிந்திருக்கும் ?

இந்த ஆராய்ச்சி மையத்தின் தொடர் பங்களிப்புளாக, ஆகாய மார்க்கத்திர்க்கும், தரை வழி மற்றும் கடல் வழித் தடங்களுக்கும் எந்த அளவு பயன்படுகிறது என்பதனை திருமதி சின்னத்தாய் அவர்கள் தெளிவான பாடம் எடுத்தார்கள்.



அட ! அடுத்த ஆவணப்படம் எடுத்திட வின்வெளிக்கே சொன்று விட வேண்டியதுதானே என்று கேட்கிறீர்களா ? அந்த நாட்களும் வெகுதொலைவில் இல்லை...

அல்லாஹ் நாடினால் அதுவும் நிகழும் இன்ஷா அல்லாஹ் !

- அதிரைBBC குழு