இழவு காத்த கிளியாக அதிரைப் பொதுமக்கள்

ஆலடி குளம் முகைதீன் ஜூம்மா பள்ளிக்கு சொந்தமாக இருக்கிறது. பேரூராட்சி நிர்வாகம் வருடத்திற்கு இரண்டுமுறைதான் (இரண்டு பெருநாட்களின் முதல்நாள் அல்லது அடுத்தநாள்) ஆலடி குளம் பகுதிகளில் சுத்தம் செய்ய வருவதால் குளத்தை சுற்றியுள்ள வீடுகள் மற்றும் தெருவில்லுள்ளோர் வேறுவழியின்றி குப்பைகளை இந்தக் குளத்தில் கொட்டுகின்றனர். எனினும் இது கண்டிக்கத்தக்கது.

குளம் அசுத்தமடைந்து வருவதால் ஒருசில ஆண்டுகளிலேயே நிலத்தடி நீர் நச்சுத்தன்மை அடைந்து துர்நாற்றம் அடைந்து உபயோகிக்காத சூழ்நிலை ஏற்படும் என்று சுற்றுப்புறச் சூழல் ஆர்வலர்கள் கவலை அடைந்துள்ளனர். அதனால் பொதுமக்கள் குளத்தை சுத்தம் செய்துதரக் கோரி பேரூராட்சி அதிகாரிகளையும் வார்டு உறுப்பினரையும் பலமுறை கேட்டுகொண்டுள்ளனர்.

அவர்களின் கோரிக்கைகள் செவிடன் காதில் ஊதிய சங்காக இருப்பதால் உள்ளாட்சித் தேர்தல் வரும்வரை இழவு காத்த கிளியாக இருப்பதற்கு முடிவுசெய்துள்ளனர்.

புகைப்படம் உதவி: tidings