பணம்! பணம்!! பணம்!!!

 நம்முடைய சகோதரர்கள் பலரையும் நல்லாயிருக்கியா இப்ப எங்கே இருக்கே என்று  விசாரிக்கும் பொழுது, துபையிலே அதே  கம்பெனியில்தான் இருக்கேன் அடுத்த மாசம் 200திர்கெம்ஸ் கம்பெனிலே ஏத்திறானுவோ செட் ஆகிவிடுவேன் என்று கூறிக்கொண்டேயிருக்கிறார்கள். அட நீ துபை வந்து எத்துனை வரு­ம் ஆகுது என கேட்கும்பொழுது இந்து ஜூன் வந்தால் 13­ம் என்று சாதரணமாக சொல்லிக்கொண்டிருக்கிறார்கள். இன்னும் பல வரு­ங்களை தாண்டியும் ஓடிக்கொண்டேதான் இருக்கிறது. அப்படி என்ன அந்த வாழ்க்கையில்...
 ஒருவர் 10 வருடம்வெளிநாட்டில் வாழ்கிறார் என்றார் தன் குடும்பத்தோடு அவர் வாழ்ந்த வாழ்க்கை 10 மாதங்களே.திருமணமாகி எனக்கு பத்துவருடம் ஆகிவிட்டது என்றால் அவரின் இல்லற வாழ்க்கை 10 மாதங்களே... சிந்தனை செய்யுங்கள்.இதில் நோய், பல வகையான வேலைகள், வீட்டுவிசேங்கள் உள்ளிட்ட அனைத்தும் அடங்கும்..
இலக்கு என்ன
நாம் வெளிநாடு போகும் இலக்கு என்ன?
 இது பெயரளவில் ஜனநாயக நாடுதான். முஸ்லிம்களின் வேலைவாய்ப்புகள் மிக குறைவாக இருந்தபோதிலும். இந்த வேலைவாய்ப்புகளை பெரும் நோக்கில் நாம் மேற்கொண்ட  முயற்சிகள் சொல்வதற்கில்லை ஏனென்றால் இந்த அரசு வேலைக்கிடைக்க நம்மில் பெரும்பாலோர் முயற்சிப்பதே இல்லை. படித்த பட்டதாரிகள் முதல் 10, 12, இதர வேலைகள் டைப் ரைட்டிங், கம்ப்யூட்டர், ஆபிஸ் வேலைபாடுகள் போன்றவற்றிற்கு வேலைவாய்ப்பு அலுவலகத்தில் பதிந்துள்ளோமா? நம்மை நாமே கேட்டுப்பார்ப்போம். வெளிச்சம் கிடைக்கும். இதற்கு பெரும்பாலோரின் பதில் இல்லை என்றுதான் வரும். ஏன் என்று கேளுங்கள்?
நாம் அரசு வேலைவாய்ப்பின் அருமையை உணரவில்லை. பெற்றோர்களும் இன்றைய  நிலைய அறிந்து நம்முடைய முயற்சியை தூண்டுவதில்லை. இன்ஜினியர் படித்தால் வெளிநாட்டில் நல்ல சம்பளம் என்ற எண்ணம்தான் நம்மில் இருக்கிறது. அப்படி வெளிநாடு சென்று போதிய சம்பளம் கிடைக்கவில்லை என்பது ஒருபக்கம். கிடைத்தவர்களெல்லாம் சம்பாதிக்கொண்டேயிருக்கிறார்கள் ஒரு முடிவுக்கு வரவில்லை. அடித்த கடல் அலையும் , சென்ற காலமும் திரும்பகிடைக்காது என்பது பழமொழி. வாழ்க்கை இன்பமாய் வாழ முயற்சிகள் புரிவோம்.

ஆசைகளை ஊட்டும் சோகஙகள்

இன்று பெரும்பாலோர் நான் இன்ஸ்ரன்ஸ் போட்டேன் வருசத்துக்கு 10,000 ரூபாய், 5 வருசத்துக்கு கட்டினால் போதுமாம் 6வது வருசத்துலே 2 லட்சமாகிடுமாம் 20வது வரு­த்துல இந்ததொகை இருபது லட்சமாகிடுமாம் என்று கூறி பல தரகர்கள் நம்மை சுற்றி உள்ளவர்களுக்கு ஆசையை காட்டி எத்தனையோ நபர்களுக்கு சோகத்தை ஏற்படுத்தி சென்றுள்ளார்கள். ஏற்படுத்திக்கொண்டிருக்கிறார்கள். உண்மையை மறைத்து ஆசையை மட்டும் அதிகபடுத்துவார்கள். இடையில் நிறுத்தினால் பணம்  கிடைக்காது என்பதையயல்லாம் சொல்லவே மாட்டார்கள், முழு விபரத்தையும் சொல்லமாட்டார்கள். சிம்பாலிக்கா சொல்வார்கள் நீங்கள் ஒரு லட்சம் போட்டால் 20வருடம் கழித்து 10 லட்சம் என்று  அடுத்த சில வருடம் சென்றவுடன் உங்களுடைய பணம் சேவைக்காக கொஞ்சம் பிடித்தம்போக மீதி ஃசேரில் குறைந்துள்ளது அதனால் உங்கள் பணம் அதிகமாகவில்லை மீதம் இவ்வளவுதான் என்று நாம் செலுத்திய தொகையிலிருந்து கணக்கு கழித்து மீத தொகையை கொடுத்துவிடுவார்கள் ஆசை மனிதனை அலக்களிக்கும் என்பதனை இந்த  தரகர்கள் வரும்பொழுது மறந்துவிடுவார்கள் காரணம் பண ஆசை என்பதை விட நாளையக் கனவு....!.நம் பணம் எதிலும் முதலீடு செய்யம்முன் இதன் முழுவிபரத்தையும் நன்கு அறிந்துகொள்ள வேண்டும். தோண்டி தோண்டி கேள்வி கனைகளை கேட்கவேண்டும். நம்மை ஒரு தவறான சேவையில் சேர்த்து ஏமாறவைக்கும் தரகர்களுக்கு சரியான பாடங்களை  புகத்தவேண்டும்.  நாளைக்காக நாம் வாழ்ந்துக்கொண்டிருக்கிறோம்!  ஆம் மறுமைநாளைக்காக நாம் வாழ்ந்துக்கொண்டிருக்கிறோம் என்பதை நினைத்துபாருங்கள்