ஓடும் இரயிலே ஒய்ந்து விடாதே! (UPDATED)

அன்றொரு காலம் அதிரைக்கு என்று அழகு சேர்த்த இரயில் பயணங்களை அனுபவித்தவர்களின் ஏக்கம் தொடருமா ? அல்லது மீண்டும் வருமா என்று ஏங்க வைத்த கம்பன் ஏமாற்றியதன் தாக்கம் இன்னும் இருக்கத்தான் செய்கிறது.

அது ஒரு பக்கம் இருந்தாலும் இரயில்வே நிர்வாகத்தின் மனம்போல் சுருங்கியிருக்கும் இரயில் தண்டவாளத்தை அகன்ற தண்டவாளமாக மாற்றுங்கப்பா அதுக்கான ஆயத்தங்களையும் போராட்டங்களையும் தொடர்ந்து செய்துவரும் அதிரை மக்களின் கோரிக்கையை இரயில்வே நிர்வாக செவிசாய்த்து நிறைவேற்ற வேண்டும்.

இன்று 01-டிசம்பர்-2011 வியாபாரிகள் சங்கத் தலைவர் மற்றும் மற்ற நிர்வாகிகளோடு பொதுமக்களும் இணைந்து ஓடும் ஒற்றை தொடர் வண்டியின் தொப்புள் கொடி உறவை அறுக்க வேண்டாமே என்று மனுவும் கொடுக்கப்பட்டது.

அகலமான இரயில் பாதை வேலைகள் ஆரம்பிக்கும் வரையிலாவது இந்த தொடர் வண்டியின் சேவை தொடர வேண்டும் என்பது அனைவரின் கோரிக்கையாகும்.

இதோ மூச்சிரைத்து வரும் தொடர் வண்டியின் இன்றைய நிறைவு மூச்சையும் இங்கே காணொளியில் காணலாம்.