பேருந்து நிலையத்தில் படகு ஓட்டலாமா ?

அதிரையில் அடைமழை அடித்துக் கொண்டிருக்கும் இவ்வேளையில் தெருக்களில் மழைநீர் ஒட்டத்தோடு நாமும் இரு சக்கரவாகனம் ஒன்றின் மேல் ஏறி அதன் ஓட்டத்தோடு தொடர்ந்தோம். எங்கு சென்றாலும் நிரம்பியே இருக்கும் நீரின் அழகு, அது தேங்கிய தட்டை வடிவில் கடப்பாசி ஊற்றிய தட்டைப் போல் இருந்தது அதிரைத் தெருக்கள்.

செல்லும் வழியில் நண்பர்கள் கேட்டார்கள், "எப்போது எலெக்ஷனில் நின்று ஜெயித்தாய் இப்படி மழை நீர் ஒடும் திசையெல்லாம் ஓடிக் கொண்டிருக்கிறாயே" என்று,

வேறு என்ன வழமையான புன்னைகையே பதிலாக காட்டிவிட்டு சென்றோம்.

பேருந்து நிலையம் அருகில் சென்றதும்தான் அட! படகில் வரமால் இருந்து விட்டோமே என்று மனம் தவிக்க ஆரம்பித்து விட்டது.

அதனாலென்ன “என்ன காகிதப் படகு செய்து விட்டாப்போச்சு” என்று ஒன்றாக வந்த நண்பர் சொன்னதும்.

மற்றவர் “இதனை தலைவருக்கு சொல்லனும்” என்றார்

வேறு ஒருவரோ “இல்லை துணைத் தலைவருக்கு சொல்லனும்” என்றார்....

நாமோ “நல்லதையே சொல்லுங்கப்பா” என்றும் நகர்ந்து விட்டோம்.

அதிரைபிபிசி நீச்சல்-team